Saturday, May 18, 2024
थप

    उपत्यकामा निषेधाज्ञा केही सहजः निजी सवारीमा जोरबिजोर, पसल हप्तामा तीन दिन खोल्न पाइने (कुन बार कुन पसल खोल्ने ?)

    असार ६, काठमाडौँ । काठमाडौँ उपत्यकामा असार ८ गतेदेखि निजी सवारी साधन जोरबिजोर प्रणालीका आधारमा सञ्‍चालन गर्ने निर्णय भएको छ । यसैगरी बारअनुसार हप्तामा तीन दिन पसल खोल्न दिने निर्णय गरेको छ ।

    काठमाडौँ, ललितपुर र भक्तपुरका प्रमुख जिल्ला अधिकारीको आइतबार बसेको बैठकले उक्त निर्णय गरेको हो । आइतबारको बैठकले उद्योग र दैनिक जनजिवीकासँग जोडिएका क्षेत्रमा लगाएको निषाधाज्ञालाई सहज बनाएको छ ।

    काठमाडौंका प्रजिअ कालीप्रसाद पराजुलीका अनुसार आइतबार, मंगलबार र बिहीबार एक चरणमा र सोमबार, बुधबार र शुक्रबार अर्को चरणमा गरी फेन्सी, सपिङ मललगायत तयारी पसललाई दिन बिराएर सञ्‍चालन गर्न दिइने छ ।

    त्यस्तै सबै खालका निजी सवारी साधन जोरबिजोरबाट सञ्‍चालन हुन पाइने छ । प्रजिअ पराजुलीले जनस्वास्थ्यका मापदण्ड पालना गरेर ट्याक्सी निर्वाध सञ्‍चालन गर्न दिइने बताए पनि आदेशमा जोरबिजोरअन्तर्गत नै राखिएको छ ।

    शैक्षिक संस्थाबाहेक सबै किसिमका सरकारी कार्यालय न्यूनतम जनशक्ति राखेर खुला गरिने छ । प्रजिअ पराजुलीले कोरोना महामारीको जोखिम र आमजनसमुदायको जीविकोपार्जनलाई समेत ध्यानमा राखेर निषेधाज्ञा खुकुलो बनाइएको बताए ।

    कुन बार कुन पसल खोल्ने

    आइतबार, मंगलबार र बिहीबार सुनचाँदी, भाँडा, विद्युतीय, घरायसी सामान, अटोमोबाइल र त्यसका पार्टपूर्जा पाइने पसल खोल्न पाइन्छ ।

    त्यसैगरी, सोमबार, बुधबार र शुक्रबार सपिङ मल, खेलकुद सामग्री पसल, कपडा, जुत्ता पसल, फेन्सी, कस्मेटिक, गिफ्ट र टेलरिङ खोल्न पाइने छ।

    बारको तालिका अनुसार खुल्ने पसल ११ देखि ४ बजेसम्म खोल्न पाइने छ भने खाद्यान्न, फलफूल र तरकारी पसल चाहिं हरेक दिन ११ बजेसम्म मात्र खोल्न पाइने छ ।

    कोरोनाको अवस्था हेरेर केही कम भएमा पुनः सूचना प्रकाशित गरी जनहितलाई ध्यानमा राखेर निर्णय सच्याइने प्रजिअ पराजुलीले जानकारी गराए ।

    सम्बन्धित

    LEAVE A REPLY

    Please enter your comment!
    Please enter your name here

    सम्पर्कमा रहनुहोस्

    0FansLike
    1FollowersFollow
    0SubscribersSubscribe

    भर्खरै