Saturday, May 18, 2024
थप

    पद्मश्री पुरस्कार घोषणाः साहित्यतर्फ सुवेदी, साधनातर्फ वात्स्यायन र गौरवतर्फ शर्मालाई प्रदान

    असोज ८, काठमाडौं । खेमलाल हरिकला समाज कल्याण प्रतिष्ठानले २०७९ को पद्मश्री पुरस्कार र सम्मान घोषणा गरेको छ ।

    प्रतिष्ठानले तीन शीर्षकमा विभाजन गरी फरक क्षेत्रमा योगदान गर्ने कला तथा साहित्य सर्जकलाई सम्मान तथा पुरस्कार दिने भएको हो । साहित्यतर्फ सुवेदी, साधनातर्फ वात्स्यन र गौरवतर्फ शर्मालाई प्रतिष्ठानले छनोट गरेको छ ।

    पद्मश्री साहित्य पुरस्कारतर्फ समालोचक तथा आख्यानकार डा. देवीप्रसाद सुवेदीको उपन्यास सुवेदीलाई प्रदान गर्ने निर्णय गरिएको प्रतिष्ठानले जनाएको छ ।

    प्राप्त १८० पुस्तक मध्येबाट पहिलो चरणमा १५ र दोस्रो चरणमा परेका पाँच सूचीभित्र परेका पुस्तकबाट ‘मनु’ छनोट भएको खेमलाल हरिकला समाज कल्याण प्रतिष्ठानले जानकारी दिएको हो ।

    अन्तिम पाँच पुस्तकको सूचीमा मनुसहित इजोरिया, ऐंठन, शून्यको मूल्य र मफलर थिए । पद्मश्री साहित्य पुरस्कार पाएको ‘मनु’ ऋग्वैदिक समाजको परिवेशमा चित्रित सामाजिक–सांस्कृतिक उपन्यास हो ।

    यसैगरी, प्रतिष्ठानले प्रदान गर्दै आएको प्रद्मश्री साधना सम्मान कार्टुनिस्ट दुर्गा बराल (वात्स्यायन) लाई प्रदान गरिने भएको छ । चित्रकला र कार्टुनको क्षेत्रमा वात्स्यायनले लामो समय व्यतीत गरेका छन् ।

    साथै, गत वर्षदेखि मात्रै सुरु गरिएको पद्मश्री गौरव पुरस्कार काठमाडौं विश्वविद्यालयका संस्थापक उपकुलपति सुरेशराज शर्मालाई प्रदान गरिने भएको छ । शिक्षा क्षेत्रमा शर्माले गरेको योगदानलाई कदर गर्दै पुरस्कार प्रदान गर्न लागिएको प्रतिष्ठानले जनाएको छ ।

    तीनवटै पुरस्कार कोजाग्रज पूर्णिमाको दिन वितरण गरिनेछ । सबै पुरस्कारको राशि तीन लाख रुपैयाँ रहेको छ ।

    सम्बन्धित

    LEAVE A REPLY

    Please enter your comment!
    Please enter your name here

    सम्पर्कमा रहनुहोस्

    0FansLike
    1FollowersFollow
    0SubscribersSubscribe

    भर्खरै