Friday, April 12, 2024
थप

    लघु कथासङ्ग्रह शुभांशु विमाेचित

    शुभ शर्माको शुभांशु विमोचन २०८० वैशाख १३ गते बुधबार रोयल ब्याङ्केट तीनकुने बानेश्वर काठमाडौँमा शुभ शर्माबाट लेखिएको शुभांशु लघुकथासङ्ग्रह विमोचन कार्यक्रम सम्पन्न भएको छ । स्रष्टा समाज नेपालका अध्यक्ष श्रीओम श्रेष्ठ रोदनको प्रमुख आतिथ्यमा साहित्यककार ध्रुव मधिकर्मी, प्राडा कपिल लामिछाने, लघुकथा केन्द्रका अध्यक्ष लता केसी, उपाध्यक्ष तथा कार्यक्रमका सभाध्यक्ष डा. शेखरकुमार श्रेष्ठ, कृतिकारका पिता झगलाल गैरे, नन्दकला बराल तथा कृतिकार शुभ शर्माले सामूहिक रूपमा उक्त कृति विमोचन गरेका थिए ।May be an image of 1 person, temple and text that says 'शुभ शर्माकृत शुभांशु लघुकशासडग्रह विमोचन कार्यक्रम स्थान रोयल हमेन्टस वेन्क्वेट एन्ड रेस्टुरेन्ट तीनकुने, काठमाडी मिति २००० वैशाख १३ गते बुधवार 625 आयोजक आयो क हामो लघुकशा पाठशाला (हामो लघुकथा केन्द्र) काठमाडी'

    उक्त कार्यक्रम हाम्रो लघुकथा पाठशाला (हाम्रो लघुकथा केन्द्र) को आयोजनामा सम्पन्न भएको थियो । उक्त कार्यक्रममा हाम्रो लघुकथा पाठशाला नाम परिवर्तन भई हाम्रो लघुकथा केन्द्र जिल्ला प्रशासन कार्यालय, काठमाडौँमा विधिवत् रूपमा दर्ता भएको जानकारीसमेत आयोजक संस्थाले गराएको थियो । कार्यक्रममा बोल्दै प्रमुख अतिथि श्रेष्ठले शुभ शर्माको कथाले नेपाली समाजको यथार्थता चित्रण गरेको कुरा बताउँदै हाम्रो लघुकथा केन्द्र दर्ता भएकोमा शुभकामना दिएका थिए भने विशिष्ट अतिथि ध्रुव मधिकर्मीले शुभांशु कृतिले शुभको साहित्यिक जीवन सुरुआत गरी अरू स्रष्टालाई पनि कृति प्रकाशनका लागि मार्गदर्शन गरेको कुरा बताएका थिए ।May be an image of 9 people and text

    त्यसै गरी अर्का विशिष्ट अतिथि कपिल लामिछानेले शुभांशु लघुकथासङ्ग्रह नारी लिखित कास्की जिल्लाको पहिलो लघुकथासङ्ग्रह हुन सक्ने कुरा बताएका थिए । संस्थाका सदस्य सत्या अधिकारीको स्वागत मन्तव्य र गङ्गा दाहाल न्यौपानेको स्वागत गीतबाट शुभारम्भ गरिएको उक्त कार्यक्रममा शुभ शर्माले आफ्ना पिता झगलाल बरालको पचहत्तरौँ जन्म दिनको उपलक्ष्यमा उपहारस्वरूप उक्त कृति विमोचन गरिएको कुरा बताइन् । विमोचन कार्यक्रममा चन्द्रप्रसाद न्यौपाने, एएनके गोतामे, मुकुन्द पौडेल, भरत आचार्य, मोहन कायस्थ, छन्द गायक शिव त्रिपाठी आदिले कृति सफलताका लागि शुभकामना मन्तव्य राखेका थिए ।May be an image of 4 people, people studying and people smiling

    उक्त कार्यव्रममा महाकाव्यकार एएनके गोतामे, रत्न विरही घिमिरे, शिव घिमिरे, शेखर अर्याल, मोहन कायस्थ, छन्द गायक शिव त्रिपाठी, गायत्री चापागाईँ, सिकारु राम, चिरञ्जीवी सिग्देल, मधुसूदन घिमिरे, गङ्गा पौडेल कर्माचार्य, मन्दिरा मधुश्री, एकता केसी, ओमकुमारी बन्जारा, रमेश सुवेदी, लघुकथा केन्द्रको व्यवस्थापन समूह, सहयोगी समूह, कृतिकारका आफन्तलगायत छ दर्जन स्रष्टा तथा साहित्यिक अनुरागीको उपस्थिति थियो । उक्त विमोचन कार्यक्रम संस्थाका सहसचिव बिमुन्स पौडेलले सञ्चालन गरेकी थिइन् भने उपाध्यक्ष शेखरकुमार श्रेष्ठको सभाध्यक्षमा सम्पन्न भएको थियो । उक्त विमोचन समारोहमा सबै अतिथि वक्ताहरूले हाम्रो लघुकथा केन्द्र दर्ता भएकोमा बधाईसमेत ज्ञापन गरेका थिए भने सभाका अध्यक्ष शेखरकुमार श्रेष्ठले उपस्थित सबैलाई धन्यवाद ज्ञापन गर्दै संस्था दर्ताका लागि परोक्षअपरोक्ष रूपमा सहयोग गर्ने सबैप्रति कृतज्ञता व्यक्त गरेका थिए ।May be an image of 3 people, people smiling and temple

    लता केसीको अध्यक्षतामा दर्ता भएको हाम्रो लघुकथा केन्द्रमा उपाध्यक्ष डा. शेखरकुमार श्रेष्ठ, सचिव रामराजा केसी, सहसचिव मिना पौडेल, कोषाध्यक्ष सत्या अधिकारीलगायत निर्मला बराल, मदन पोखरेल, वन्दना घिमिरे, दामोदर अधिकारी, मिसु श्रेष्ठ थपलिया र गङ्गा दाहाल न्यौपाने सदस्य रहेका छन् ।

    सम्बन्धित

    LEAVE A REPLY

    Please enter your comment!
    Please enter your name here

    सम्पर्कमा रहनुहोस्

    0FansLike
    1FollowersFollow
    0SubscribersSubscribe

    भर्खरै