नेपाली भान्सामा खीर धेरै स्वादिलो परिकारको नाम हो । यसको नाम सुन्ने बित्तिकै मुखमा पानी आउछ । नेपालमा प्राय:जसो चाडपर्वको मौका पारि खीर बनाईन्छ । अझ श्रावण १५ गतेलाई त खीर दिवसकै रुपमा पनि मनाईन्छ । तपाई पनि यो रेसिपी हेरेर चामलको स्वादिलो खीर घरमै बनाएर खान सक्नु हुन्छ।

चाहिने सामग्री:

• २ लिटर दूध
• २०० ग्राम ताइचिन/ मार्सि वा अन्य राम्रो चामल
• १/२ कप चीनी (४ ठूलो चम्चा )
• १०-१५ किशमिश
• ४ हरीयो अलैची
• १०-१२ बदाम टुक्रा टुक्रा पार्ने
• ५-१० काजु टुक्रा टुक्रा पार्ने
• १ ठूलो चम्चा घ्यु

बनाउने वि​धि:

1. पहिले चामल राम्रो सँग पखाली २० मिनेट जति भिजाउनुहोला ।
2. अब कराई वा डेक्चीमा दूध उमाल्नुहोस्।
3. अब आगो सानो पारेर चामल हाल्नुहोस्।
4. चामललाइ सानो आगोमा ४०-४५ मिनट पाक्न दिनुहोला, बेला बेला मा डाडूले चलाइराख्नु ।
5. अब अलैची, चीनी र किशमिश हाल्नुहोला।
6. यसलाई चीनी पुरै नघुले सम्म लगातार चलाइराख्नुहोला।
7. अब घ्यु हाल्नुहोला अनि आगो बन्द गर्दिनुहोला ।
8. सजाउन को लागि बदाम र काजु हाल्नुहोला।
9. खिर तयार भयो ।
10. अब हल्का चिसो भएपछि या तातो तातो खिर सेवन गर्नु होला ।