साउन १०, काठमाडौँ । सोमबार त्रिभुवन अन्तर्राट्रिय विमानस्थलमा बुद्ध एयरलाइन्सका २ वटा जहाज आकस्मिक अवतरण गराइएको छ । काठमाडौंबाट उडेका बुद्ध एयरका २ जहाज त्रिभुवन विमानस्थलमा आकस्मिक अवतरण गरेका हुन् ।
बुद्धको एउटा जहाज धनगढीका लागि साँझ ६ बजे त्रिभुवन विमानस्थलबा उडान सुरु गरेको थियो । बुद्ध एयरलाइन्सका अनुसार प्राविधिक गडबडी आएकाले चालक दलका सदस्यले जहाज तत्काल फर्काइ आकास्मिक अवतरण गर्ने निर्णय लिएका थिए । त्यसपछि फर्काएर त्रिभुवन विमानस्थलमै जहाज सुरक्षित अवतरण गराइएको छ ।
जहाजमा ६९ जना यात्रु सवार थिए । उनीहरुलाई आजै अर्को जहाजबाट धनगढी पठाइँदैछ ।
त्यसैगरी, अर्को बुद्धको जहाज साँझ ७ बजे पनि काठमाडौंमा आकस्मिक अवतरण गरेको छ ।
काठमाडौंबाट नेपालगन्ज उडेको जहाजमा चढेका एक यात्रु जहाजभित्रै बेहोस भएपछि पाइलटले जहाज काठमाडौं नै फर्काएका हुन् । सो जहाज उनलाई काठमाडौं झारेर पुनः नेपालगन्ज उड्ने कम्पनीका एक उच्च अधिकारीले जानकारी दिए ।
