झरना- दस झर
१ बस्न दिदैन घाउमा खाटाहरू
निष्ठुरी छन् जीवनका बाटाहरू ।।
२ महलको भोक टार्न झुपडी भोकै छ
धनीलाई खुसी पार्न गरिबहरू रोकै छ ।।
३ लासहरु भेटिदैछन् मान्छेका पाखामा
राहत किन देखिदैन सरकारको आँखामा ।।
४ सिन्को पनि न भाँच्ने कै छ राज यहाँ
भ्रष्टाचारी कै टाउकोमा छ ताज यहाँ ।।
५ झुठो आश्वासनको पछि दौडाउँछ राजले
अन्धविश्वास मान्न बाध्य पार्छ समाजले ।।
६ सबैतिर शुद्धताको अडान छ
मिसाउनेहरूबाट देश हैरान छ ।।
७ प्रकृतिको प्रकोप सहनै पर्छ
वर्षा याममा सचेत रहनै पर्छ ।।
८ बाढीले घरबार बगायो
खोइ कसले सरकालाई जगायो ।।
९ सामन्तहरू सबै बाङ्गो छन्
गरिबहरू सबै नाङ्गो छन् ।।
१० शोषकहरूको ठूलो जाल छ
गरिब भोकै रित्तो थाल छ ।।
वैद्यनाथ श्रमजीवी, वीरगन्ज
