धरधर रोएको छ आत्मा सुनिदिने कोही छ ?
टुक्रा टुक्रा भाथ्यो मुटु उनिदिने कोही छ ?
जेलको कैदी बन्दीको बरू फुकुवा होला
मलाइ स्पष्टीकरण केरकार नगर्ने कोही छ ?
यो जीवनमा प्राण रहुन्जेल साथ दिनेछु
मलाइ पर्दा बुझिदने थामिदिने कोही छ ?
विघ्नबाधा आइलाग्छ एकपछि अर्को
धन्न नानी तिमी रैछ्यौ भनिदिने कोही छ ?
दुख पर्दा आशुले परेली नाघेर खस्दा
सँगै रुने या मेरो आशु पुच्छने कोही छ ?
मेरा चाल ढाललाई बेला बेला नतौलिइ
आफ्नो धर्म निभाएको देखिदिने कोही छ ?
सानैबाट कत्रो कत्रो भवसागर गर्नुपर्यो
आउ सगैँ तरी पारी जाऔँ भन्ने कोही छ ?
तातो बगर बगर सधैँ एक्लै हिँड्दा दुखे होला
हजार पटक तलार्इ कस्तो छ भन्ने कोही छ ?
– सीमा थापा ‘सीमाना’
कपन काठमाडौं
