असार ११, काठमाडौँ । खोटाङ जिल्लामा रहेको १० स्थानीय तहमध्ये ८ वटा स्थानीय तहले बिहीबार नीति तथा कार्यक्रम सार्वजनिक गरेका छन् । दुई नगरपालिका र आठ गाउँपालिका रहेको जिल्लाका बराहपोखरी र केपिलासगढी गाउँपालिकाबाहेक अन्य सबै स्थानीय तहले आर्थिक वर्ष २०७८/०७९ को नीति तथा कार्यक्रम सार्वजनिक गरेका हुन् ।
कुन नगरपालिकाको बजेटको आकार कस्तो छ त ?
रुपाकोट मझुवागढी नगरपालिका
- रु. ८५ करोड आठ लाख ६२ हजारको बजेट प्रस्तुत
- आन्तरिक आय रु. एक करोड पाँच लाख रहने अनुमान
- शैक्षिक गुणस्तर सुधारका लागि रु. ३० करोड ४३ लाख
- स्वास्थ्य सेवामा सबैको पहुँच पुर्याई स्वास्थ्य सेवाको स्तरोन्नति गर्न स्वास्थ्य तथा पोषण क्षेत्रमा रु. छ करोड २६ लाख
हलेसी तुवाचुङ नगरपालिका
रु. ५८ करोड १६ लाख २८ हजार ४५० बजेट प्रस्तुत
- स्थानीय सञ्चारमाध्यमलाई लोककल्याणकारी विज्ञापन उपलब्ध गराउने
- नगरपालिकाबाट प्रकाशन हुने विज्ञापन प्रकाशनमा नगरपालिका वा जिल्लाकै विज्ञापन एजेन्सीलाई प्राथमिकता दिने
- नगरपालिकाबाट पत्रकारिता वा अन्य विषयमा विद्यावारिधि गर्ने छात्र/छात्रालाई छात्रवृत्ति प्रदान गर्ने
- पत्रकार महासङ्घ खोटाङ शाखासँगको समन्वयमा पत्रकारिता तालिम सञ्चालन गर्ने
दिप्रुङ चुइचुम्मा गाउँपालिका
- रु. ६२ करोड २८ लाख ३७ हजार ५९० बजेट प्रस्तुत
- आर्थिक विकास तर्फ ९%,
- पूर्वाधार तर्फ २६%,
- सुशासन तथा अन्तरसम्बन्धित क्षेत्र तर्फ १०%
- सामाजिक विकास तर्फ ५५%
जन्तेढुङ्गा गाउँपालिका
- रु. ३९ करोड ९९ लाख ९३ हजार २७० बजेट प्रस्तुत
खोटेहाङ गाउँपालिका
- रु. ५१ करोड ६६ लाख ३२ हजार १२० बजेट प्रस्तुत
रावाबेँसी गाउँपालिका
- रु. ३६ करोड ४५ लाख ३५ हजार बजेट प्रस्तुत
ऐँसेलुखर्क गाउँपालिका
- रु. ४० करोड ३९ लाख ८५ हजार ९६० बजेट प्रस्तुत
साकेला गाउँपालिका
- रु. ३२ करोड २३ लाख ९० हजार ४३० बजेट प्रस्तुत
- बिहीबार सम्पन्न नगर तथा गाउँसभामध्ये साकेला गाउँपालिकामा आयोजना गरिएको गाउँसभा गाउँपालिका उपप्रमुख सरिता खड्कासहित दुई वडाध्यक्ष र तीन कार्यपालिका सदस्यले बहिष्कार
- बहिष्कार गरे पनि गाउँपालिका प्रमुख अर्जुनकुमार खड्काले कार्यपालिकाको बहुमत सदस्यको हस्ताक्षरसहित बिहीबार प्रस्तुत गरिएका नीति तथा कार्यक्रम पारित
बराहपोखरी गाउँपालिका
- गाउँसभा कहिले गर्ने मिति अहिलेसम्म टुङ्गो लागेको छैन
- रु. ३४ करोड बराबरको बजेट प्रस्तुत गर्ने तयारी गरेको थियो तर बिहीबार प्राविधिक कारण देखाउँदै गाउँसभा रोकेको
केपिलासगढी गाउँपालिका
- असार १४ गते नीति तथा कार्यक्रम प्रस्तुत गर्ने सूचनामार्फत जानकारी,
- गाउँपालिकाका केही जनप्रतिनिधिमा कोरोना देखिएकाले बिहीबार गर्नुपर्ने गाउँसभा १४ गतेलाई सारिएको जानकारी,
बिहीबार गाउँसभा सम्पन्न गर्ने गाउँपालिकाहरुले कृषि, पर्यटन र रोजगारमूलक कार्यक्रमलाई पहिलो प्राथमिकता दिएर नीति तथा कार्यक्रम बनाएका छन् ।
