जेठ २९, काठमाडौँ । सभामुख अग्नीप्रसाद सापकोटाले पूर्वप्रधानमन्त्रीहरु र प्रमुख दलका मुख्य नेताहरुलाई छलफलको लागि बोलाएको एक दिन पछि आज पाँच पूर्व प्रधानमन्त्रीहरुले संयुक्त रुपमा वक्तव्य निकालेका छन् ।
संयुक्त वक्तव्यमा, ‘विशेषतः चुरे र महाभारत श्रृङ्पाँरखला हुने त्यस्तो उत्खननबाट जंगल विनाश हुने र पानीका मुहानहरु सुक्ने तथा तराई क्षेत्र मरुभूमिकरण हुने स्थिति उत्पन्न हुने वातावरणविद्हरुको भनाइ रहेको छ’ भनिएको छ । उनीहरुको चुरे विनासले जमिनमा भएका पानीका स्रोतहरू सुक्ने र चुरे क्षेत्र मरुभूमि बन्ने धारणा व्यक्त गरेका छन् ।
उक्त वक्तव्यमा, ‘आफ्नो घरमा आगो लगाएर अरुको हितका लागि खरानी बेच्ने जस्तो सरकारको उक्त निर्णयको तीब्र विरोध गर्दै तत्काल त्यस्तो निर्णय खारेज गर्न माग गर्दछौँ’ भनिएको छ । अरूको हितको लागि आफ्नो घरमा आगो लगाएर बेच्न नसकिने भन्दै चुरेमा उत्खनन गरेर बेचिरहेको गिटी, ढुङ्गा बिक्रीको बिरोध गरेका छन् ।
पूर्वप्रधानमन्त्रीहरू शेरबहादुर देउवा, पुष्पकमल दाहाल प्रचण्ड, माधवकुमार नेपाल, झलनाथ खनाल र डा. बाबुराम भट्टराईले संयुक्त वक्तव्य जारी गरी कामचलाउ सरकारको गलत काममा संलग्न नहुन प्रशासन, सुरक्षा निकायलगायत राज्यका अन्य निकायहरूलाई आग्रह गरेका छन् ।
वक्तव्य
