दाङमा कुलोको विषयमा विवाद चल्दा गोली छुट्यो

जेठ २८, दाङ । दाङको तुल्सीपुरमा कुलोको विषयलाई लिएर विवाद भएपछि गोली चलेको छ । विवाद चलिहरेको अवस्थामा एक युवकले गोली चलाएका छन् ।
गोली चलाएको आरोपमा तुल्सीपुर उपमहानगरपालिका–८ का पूर्णबहादुर वली पक्राउ परेका इलाका प्रहरी कार्यालय तुल्सीपुरका प्रमुख डीएसपी शिवबहादुर सिंहले जानकारी दिए ।
प्रहरीले उनीसँग भएको पेस्तोल र ६ राउन्ड गोली पनि बरामद गरेको छ । वलीले चलाएको गोलीले कसैलाई नलागेकोले मानवीय क्षति भएको छैन । उनले कसलाई लक्षित गरेर गोली चलाएका हुन् भन्ने विषयमा प्रहरीले अहिले अनुसन्धान गरिरहेको छ ।