पुस ११, काठमाडौं । प्रधानमन्त्री पुष्पकमल दाहाल प्रचण्डले पहिलो चरणमा सोमबार ८ सदस्यीय मन्त्रिपरिषद गठन गरेका छन् ।
उपप्रधानमन्त्रीमा एमालेका विष्णु पौडेल, माओवादी केन्द्रका नारायणकाजी श्रेष्ठ र राष्ट्रिय स्वतन्त्र पार्टीका रवि लामिछाने छन् । पौडेलले अर्थ, श्रेष्ठले भौतिक पूर्वाधार तथा यातायात र लामिछानेले गृह मन्त्रालयको जिम्मेवारी पाएका छन् । मन्त्री नियुक्त भएका एमालेका ज्वालाकुमारी साह, दामोदर भण्डारी र राजेन्द्र राई तथा जनमत पार्टीका अब्दुल खानको मन्त्रालय तोकिएको छैन ।
तीन उपप्रधानमन्त्रीमध्ये पौडेल र श्रेष्ठले यसअघि उपप्रधानमन्त्री भएर काम गरिसकेका छन् भने लामिछाने नयाँ अनुहार हुन् ।
बाँकी ४ जना मन्त्रीहरु पनि सरकारमा नयाँ अनुहार हुन् । अर्थात, आठ सदस्यीय मन्त्रिमण्डलमा नयाँ पुराना अनुहारको समिश्रण देखिन्छ ।
