सञ्चार हाउस, काठमाडौँ । दुई वर्षदेखि काठमाडौं जिल्ला अदालतले फुटपाथमा अव्यवस्थित रुपमा गराउँदै आएको पार्किङमा राखेका सवारी साधन हटाएको छ ।
अदालत प्रशासनले सोमबार राति ती सवारी साधन हटाएको काठमाडौं महानगरपालिका ११ का वडाध्यक्ष हिरालाल तण्डुकारले जानकारी गराएका हुन ।
अदालतले फुटपाथमा सवारीसाधन राखेर नियम मिचेको बारेमा सञ्चार माध्यममा समाचार प्रकाशित भएका थिए ।
वडाध्यक्ष तण्डुकारले भने, ‘मैले अदालत प्रशासनलाई पहिल्यैदेखि नै हटाउन भन्दै आएको थिएँ । समाचार प्रकाशित भएपछि अदालतका एक जना न्यायाधीशले पनि मलाई फोन गर्नुभएको थियो । हिजो राति ती सवारी साधन हटाइएको छ ।’
