Friday, April 12, 2024
थप

    झरना (प्राकृतिक प्रकोप)

    १.

    प्रकृतिले पनि खेलिरहन्छ खेल

    कहिले आउँछ भूकम्प त

    कहिले बाढी भेल ।

    २.

    हरेक साल आउँछ कुनै न कुनै बिपत्ति

    भताभुङ्ग पारिदिन्छ दु:खले

    जोडेको सम्पत्ति ।

    ३.

    दोष दिन्छौं दिन त दैवको खेल भनि

    कतै दोषि पो छौं कि हामी

    मानव पनि ?

    ४.

    साच्चै लगेको हो कि प्रकृतिले नै छानेर

    कि दु:ख पायौं हामीले बस्ती

    बसाउन नजानेर ?

    ५.

    बाँच्नलाई चाहिन्छ गाँस, बास र कपास

    विकास गर्ने चक्करमा

    प्रकृति नमास ।

    ६.

    बाटो खन्नाले पहरा चर्कायो

    रुख माँसिदा वर्षातले बगायो ।

    ७.

    मापदण्ड नमिल्दा प्रकोप खेप्नु पर्नेछ

    काम गर्दा भविष्य पनि सोच्नु पर्नेछ ।

    ८.

    सकिन्न कसै गरी प्रकृतिको बाटो छेक्न

    कसको आँट पुग्छ र यहाँ

    दैवको लीला रोक्न ।

    ९.

    जे नहुनु भैगयो अब जुट सरकार

    पीडितहरूलाई वल्लो घाट न

    पल्लो तिर नपार ।

    १०.

    मर्ने त मरिगए बाँच्नेलाई छ आश

    व्यवस्था गरिदेउ तिनका गाँस र बास।

    सावित्री अधिकारी, काठमाडौं – सुकेधारा

    सम्बन्धित

    LEAVE A REPLY

    Please enter your comment!
    Please enter your name here

    सम्पर्कमा रहनुहोस्

    0FansLike
    1FollowersFollow
    0SubscribersSubscribe

    भर्खरै