काठमाडौँ । लोकप्रिय गायिका रचना रिमाल र गायक राजन बरालको स्वरमा रहेको लोक आधुनिक गीत “माया सिम्ले छौ कि जल्किनी” बडा दशैँ २०८० फुलपातीको छेको पारेर सार्वजनिक भएको छ ।
डा. खगराज बराल (श्रमिक) को शब्दमा रहेको यस गीतको सङ्गीतमा राजन बराल, संगीत संयोजन र गितारमा मनोहर सुनाम, सारङ्गीमा हेमन्त कान्छा रसाइली, बाँसुरीमा गोपाल देव, रिदममा भरत बुढाथोकी छन् । मुनलाइट इन्टरनेसनल मिडिया प्रा. लि. ले निर्माण गरेको यस म्युजिक भिडियोमा श्याम ढकालको निर्देशन रहेको छ ।
नगरकोट र साँखुको प्राकृतिक दृश्यमा छायाङ्कन गरिएको यस म्युजिक भिडियोको छायाङ्कन कृष्ण महराले गरेका छन् । युवा वयका दुई मायालु जोडीबीच पिरतीले भरिएको यस म्युजिक भिडियोमा नव उदीयमान कलाकार सन्तोषकुमार दाहाल र देवी त्रिपाठीको अभिनय रहेको छ ।
म्युजिक भिडियो
नगर प्रमुख मोहन बस्नेतले साहित्यले जीवनलाई सार्थक तुल्याउने र समाजको समृद्धिका लागि महत्त्वपूर्ण भूमिका निर्वाह गर्ने भएको हुँदा नगरपालिकाको समृद्धिको लागि सुसेली साहित्य प्रतिष्ठानसित सहकार्य गर्दै जाने प्रतिबद्धता व्यक्त गर्नु भएको थियो । दीपक लामिछानेले श्रेष्ठको उक्त क्षेत्रमा अतुलनीय योगदान रहेकाले सहकार्य गर्दै जाने बताउनुभयो ।
कार्यक्रममा सुसेली साहित्यिक प्रतिष्ठानले दक्षिणकाली नगरपालिकाका साहित्यकार एवं लेखक चिनाउने पुस्तकका साथै फर्पिङ जन्मभूमि भएका वरिष्ठ साहित्यकार किशोर पहाडीको जीवनी र कृतित्वबारे पुस्तक प्रकाशन गर्ने योजना रहेको बताउनुभयो ।